يوسف طلعت
«الشخص الصح في الوقت الغلط»...
في رأيي إن مينفعش نصنف إن ده وقت صح ووقت غلط، لأن الوقت ده مش بتاعنا خالص أصلاً، الوقت ده بيكون بتاع ربنا وهو اللي بيديه لينا، فـ بالتالي وارد جدًا طول ما أحنا في رحلة الحياة نقابل أشخاص مناسبه لينا، ونقابل كمان أشخاص مش من تركيبتنا. أنا بشوف دايمًا أننا بنشبه لعبة الـ puzzle .. كل واحد مننا بيكون قطعة، بنفضل طول ما احنا ماشيين في رحلة الحياة نقابل قطع puzzle تانيه، بس ولا واحد منهم بيكون راكب معانا أو شبهنا، وحتى لو كان فيه أجزاء من الـ puzzle راكبه معانا مش هتستمر كتير وهنتفكك مع الأيام، لكن الشئ الأكيد إن هيجي يوم ونقابل الشخص اللي لايق علينا، ووقتها بس محدش هيقدر يبعدنا، مهما إن كانت الظروف والعوامل الخارجيه ضدنا برضو محدش هيقدر يفرقنا.