أنا لما مشيت من المكان اللي بحبه انا مخسرتش بالعكس انا كسبت نفسي، لما حسيت إن المكان مش مكاني ، لما حسيت إن وجودي زي عدمه..
أنا لما بعدت عن صحابي مكانش قله اصل مني، بس أنا ملقتش نفسي معاهم، ملقتش التقدير المناسب اللي كنا متعودين عليه بيننا من زمان ، أنا بعدت لما حسيت صديقي المقُرب زهق مني ، أو عشان أكون صريح هو أصبح مقُرب لشخص غيري مش ليا..
أنا مكملتش في علاقه لما حسيت إن كل اللي بنيته من البدايه اتهد في لحظه (حب ، أهتمام ، مشاعر ، احترام ، صدق ، ذكريات ، أوقات وفرحه واماكن وغيرهم كتير) مش دا اللي المفروض يتعمل ، أنا كدا قصرت في ايه ، كان ايه المفروض يتعمل ومعملتوش ، لما أجي في لحظه و أشوف ان كل دا بيتهد والمشاعر بتبقي باهته ، وألاقي بالتدريج علاقتنا بيسودها تبلد و إنطفاء ، يبقي حقي امشي و أنا كدا مش بياع ، أنا اديت كل حاجه امتلكها في العلاقه دي عشان تنجح وانا اهو خارج بدون أي شئ ، وياريت خرجت سليم..
" أعلن أنسحابي من كل مايؤذيني لصالح نفسي لأني أستحق الأفضل ، كل دا مش مناسب ليا ، زي ما مشيت من مكان مكانش مكاني أكيد هلاقي مكان يناسبني ، زي ما بعدت عن صحاب ملقتش نفسي معاهم ، اكيد لسه في ناس مقابلتهمش هيكونوا أفضل ، زي ما أنهيت علاقه أذتني كتير ، اكيد هلاقي الشخصيه المناسبه ساعتها هتكون علاقه آمنه مستمره لنهايه العمر، لسه الحياه مخلصتش ، أنا انسحبت عشان أبدا من جديد لكن مش هقع ، أنا اه أتاذيت لكن اكيد مع الوقت هتعالج وارجع احسن من الأول ، العالم لم ينته بعد.."
