يوسف طلعت
بص على نفسك خلال سنة واحدة كده، وشوف كام شخص وعدك أنه هيدوم وسابك ومشي؟! وكام شخص غيره جِه وقرب؟! كام شخص خرج من حياتك وقفل الباب بدون أسباب وبدون ما تعرف حتى ليه!! كام شخص «أنتَ» كمان مَبقيتش موجود في حياتهم ومشيت ومكمِلتش؟!
- للأسف فيه حقيقة مُطلقة دايمًا بننكرها أو يمكن علشان من جوانا بنكون مش مُتقبلين فكرة البُعد والغياب، الحقيقة دي اسمها «كلنا فترات» ، للأسف مهما كانت المدة الزمنية اللي بيكون فيها الشخص معاك هيجي يوم وهيمشي، سواء بسبب دوامة الحياة، مسافات، خلافات، عدم توافق......، إلخ
علشان كده فيه حاجه واحده بس بتمناها، بما أننا «كلنا فترات» ياريت نكون فترات خفيفه على قلوب بعض ومنوجعش بعض قبل إنتهاء فترة الوجود.