بعض الأقتباسات من كتاب "حب خالص" للكاتب أحمد محمد محارب:
الجمال مش بس شكل الجمال مش لون عيون
ِ الجمال إحساس ورّقة الجمال عفة وسكون
الجمال مش بس بسمة بتترسم جوة العيون
الجمال ده حالة خاصة الجمال في ذاته كون
الجمال مش بس شوق وحب الجمال إنك تصون
ُ الجمال إن لوحبك حقيقي تخلِص لما كل الناس تخون
الجمال يعني الحياة بس صافية مش حياة بألف لون.
***
عتابي ليكي عشق فيكي مش إهانة
ده إنتي شوفتي هوان كتير واحتملتي سنني غضاضة ..
كل حاجـة ليكـي فيـا مـن عيـوني خديهـا بـس أنـا محتـاج
إجابـة
ليه يا بلدي كل شيء فيكي بيزيد غلا إلا أنا
برخص زيادة.
***
وإنتي .. إنتي قمري في كل ليل طويل يعدي
وشمس دافية في نور صباحها أفرح وأجري
إنتي قمر الكون بحاله إنتي عقلي إنتي قلبي
إنتي عيني وإنتي نني
إنتي مجرى الروح في دمي
حبك بالشوق آسرني
مش بإيدي دا حكم قلبي
إنتي حبي إنتي عشقي إنتي معني الروح لقلبي.
نبذة عن الكاتب:
احمد محمد محارب، من مواليد 1987
بمحافظة البحيرة بعزبه جويد التابعة لقرية
اورين بمركز شبراخيت.
درس في الأزهر الشريف برفقة أخيه التوأم "محمد"
حتي المرحلة الإعدادية ثم التحقا بالتربية والتعليم وأنهيا
تعليمهما في الفئه المتوسطة.
أجاد الكتابة في سن مبكرة ولفتت مواضيع التعبير التي كان يكتبها أنظار أساتذته.. وبدأ في تدوين كتاباته عام 2007 وهذا أول عمل له.